Songar og solist
Songar i Kristiansand Solistensemble (KSE) sidan 2006 og deltok på operaoppsetningane La Boheme (2009) og Tryllefløyten (2011) med Opera Sør. Sopransolist på Juleoratoriet av Saint-Saëns med Kristiansand Symfoniorkester og KSE i 2016.
Sopransolist ved fleire høve saman med Kristiansand Domkor og dirigent Andrew Wilder, mellom anna på Faures Requiem (2008), Duke Ellingtons Sacred Mass med Christiansand Storband (2014), og Will Todds Mass in Blue med Kristiansand Domkor og Christiansand Storband (2015).
​
Som songar åleine syng eg gjerne på gudstenester, møter og samlingar, eller som kulturelt innslag, minikonsert eller ein konsert satt saman med repertoaret du ynskjer, med eller utan pianist. Pianisten eg som oftast nyttar er Runar Nørsett (ja, me er gift).
Me opptrer gjerne saman og syr saman eit program du kan tenke deg. Stilmessig likar eg meg i eit allsidig repertoarland mellom folketonar, jazz, klassiske songar og visepop. Sommaren 2016 gjorde me konsert på Sommarkilden med eige låtamateriale saman med bratsjisten Kjell Åge Stoveland.
​
Eg syng også ofte saman med mine kolleger Hege Bjørnestøl Beckmann og Kjetil Høyer Jonassen.
​