Kordirigent
Kristiansand Frikirkes Kammerkor
​
Song sine fyrste tonar saman i 2004. Underteikna har dirigert fram til idag, og me har hatt mange spanande prosjekt gjennom åra. Nokre musikalske høgdepunkt er opninga av Kilden Teater- og konserthus i 2012, Verdis Requiem, Händels Messias, Dobbeltmesse av Frank Martin saman med Sofienbergkoret i 2008 og med Via Vitae og Kristiansand Domkor i 2016.
Duke Ellingtons Sacred Mass gjorde me med Christiansand Storband og Søgne Messingensemble i 2014. Me jobbar jamnleg med folketonar, og har hatt mellom Anne Karin Kaasa og Astri Skarpengland med som solistar.
I 2016 medverka koret på plata Alle mine veier - ei Pilegrimsmesse med tekst av Anne Kristin Aasmundtveit og musikk av Jon Kleveland. Sjekk Musikkentreprenørene.
Nye spanande prosjekt er på gang i 2017 og me ynskjer gjerne fleire herrestemmer velkommen!
Barnekoret Jubilo
​
Høyrer til i Kristiansand Frikirke og består for tida av rundt 20 songglade jenter og pianist Runar Nørsett. Plata "Kjærlighet er det største" med 9 nye barnesongar basert på bibelvers kom ut i november 2015. Tidlegare har Jubilo gitt ut 5 plater. Sjekk opp Spotify! Jubilo syng gjerne gjerne på familiegudstenester i Kristiansand Frikirke, men synest også det er moro å opptre i Kilden. Der har dei vore med på Storkonsert og Bibelselskapet si Bibelforestilling med Hanne Krogh. Øver i Frikirka annakvar tysdag og tek alltid imot nye og songglade medlemmer mellom 8-12 år.
Sølvstrupene Kilden
​
Sølvstrupene er seniorprosjektet til Kilden Dialog. Nedre aldersgrense er 62 år, og det vert øvd kvar tysdag føremiddag i Kilden Teater- og konserthus. Dirigentar er Anne Haugland Balsnes og Bodil Kvernenes Nørsett. Koret har hatt teaterprosjekt saman med teatergruppa Fotspor, juleforestillinga Juleevangeliet og eigne vårkonsertar i foajeen i Kilden.
Dette er kora eg dirigerer for tida. Ta gjerne kontakt om du vil at me skal komme og synge for dykk!
Sølvstrupene
KFK
Jubilo